شلون بيا لو قرب مني الأجل و أخذ سمع الموت و لساني انثجل
و ظلت عيوني تدير علي الأهل شوفها تهل الدموع لمصابي
شلون بيا النفس مني لو خمد و مني ملك الموت أخذ روحي و صعد
و لمغيسل طلعو مني الجسد و قام لمغسل يجرد ثيابي
شلون بيا بكفن لو لفوني للقبر عقب الغسل شالوني
و نزلوني بحفرتي و واروني و قام حفاري يهيل ترابي
شلون بيا لو مسيت بحفرتي دار غربة وويه حال غربتي
لا عمل و ياي و يرد و حدتي و أبعدت عني هلي و أحبابي
شلون بيا لو ضغظ جسمي القبر و قام من جسمي حليب أمي يدر
شلون حالي من أوقف بيوم الحساب و يا خذ المعبود بستجوابي
شلون منكر لو لفاني للقبر و قام ينشد بيش قضيت العمر
شنهو ذاك الوقت من عنده العذر شنهو عندي كل معاصي إجوابي
شلون بيا من أنفرد بعمالي و الذنوب اتصير كلها إقبالي
و أدري منكر ما يروف بحالي و لا بحكم الله عليه يحامي
شلون بيا من أوقف بيوم الحساب شايل ذنوبي و جدامي الكتابي
شنهو عذري و شنطي للباري جواب من يعاتبني و يزيد اعتابي
شلون بيا من التفت يسري و يمين بيوم هولة يشيب من عنده الجنين
مال ما ينفع و لا ينفع بنين و لا ندم ينفع و عاض إذا نابي
ما يظل عندي و سيلة و لا أمل غير حب المرتضى خير العمل
حاشا لنا يعيفيني بذاك المحل و تنوح بوادي الحمى بركابي
و أصد للمحشر و أعاين للحسين موقفه ينادي شفيع المذنبين
للشيعة تغفر يا إله العالمين بجاه دمي إلمنه نفاه أخضابي
شربت منك شيعتي بدم رقبتي حتى تغفر بالقيامة شيعتي
اقروا الكلمات وحاول ان تنسجمو معها
العرض العادي
